Жауға — жалынба, досқа – тарылма.
М.Әуезов
Өмір атты теңіздің бір толқыны болып келген әрбір жанның пір тұтар, қуанышы мен қайғысын бөлісер, тілегін тілер адал жандары, ортасы болады. Осындай жандардың бірі өмір есігін бірге ашқан бір жылдың төлі – құрдастар. Иә, құрдастар.
Мен осы туындымды, құрдасым, өзіңе арнағым келеді. Сен мен үшін құрдас та, дос та, күн өткен сайын бауырыма да айналып бара жатқандайсың. Құрдасым, жүзіңе қарап жеткізе алмайтын ойларымды оңаша бір сәтімде қаламмен сыр шерте жеткізгім келеді. Сенің адал да, ақ көңіл жайдары мінезіңмен қатар болмашыға бұртиып қалатын қылығыңды байқаған сәтте үндемей құтылып, ашуың тарқаған сәтін күтетін кездерім де болды. Бұл әрине, өткінші сәттер ғана болатын Құрдасым, сенің сыныптағы, мектептегі әрбір жетістігің мен үшін де зор бақыт. Кейде екеуміз кей жарыстарға бірге барып, бірге қатысып көптеген жетістіктерге жеткенбіз. Сенің әрбір жетістіктеріңді айтатын болсам. жақында аудандық олимпиадаға қатысып 3 – орынды иеленгенде, мектепішілік өткізілген ғылыми жобада жүлделі орынды иелендің. Жыл сайын түрлі тақырыпта жоба дайындап көптің көзіне түсетінсің, мектептегі жарыстарда 1 – орынды бермейтін қайсар қызсың . Мектепте өтетін іс – шараларда сенің әуелете салған әнің тыңдаған жұртқа ұнап, ықыласқа бөленіп жатқан сәттерің, сен жайлы айтылып жатқан әрбір жылы сөз мен үшін де маңызды. Мен сендей құрдасымның болғанына мақтанамын.
«Жауға – жалынба, досқа – тарылма» деп М.Әуезов айтқандай әрбір жанның ортасы, досы, құрдасы өмірге шыңдайтын үлкен жанұя, алланың жіберген ортасы, тәрбиелейтін ордасы болады.
Сөзімді түйіндей келе құрбым, бүгінгі таңдағыдай балалықтың бал дәуренін бірге татып, жұбымыз жазылмай өмір ағынында бірге жүре берсек деп армандаймыз.
№230 орта мектебі. Жіңішкеқұм елді мекені.
Өмірзақова Дидар. 9 – сынып оқушысы.
менің құрдасым.doc
БІЛІМ-ҒЫЛЫМ ПОРТАЛЫ 